فواصل اعلانية اغلبها عن البث الحصرى لقنوات ال جى ار بى
لمدة تلت ساعة ويضيع اول 5 قائق من الشوط الثانى
الشوط الثانى:
المعلق :
سيداتى انساتى سادتى عودة مرة اخرى الى احداث المباراة مباراة الدربىونحن على موعد
مع المتعة والاثارة والجمال والفن والروعة وامسية كروية ميه فى الميه
حد يسألنى ويقوللى الفريقين بدأوا بدرى 5 دقايق ؟
احد جماهير الكوارك: يا عم محدش هيسألك ؟
المعلق: احم اقوم ارد واقوله لا انت اللى جيت متأخر 5 دقايق هههههههه
نفس الشخص من جماهير الكوارك : يا عم يلعن ابو ال
المعلق: احم رجاء الى وزارة الشباب والرياضة عشان تعمل مقصورة للمعلق لوحده فى الملعب
ونرجع بقة للماتش تانى ايه ده يظهر ان النتيجة بقت 2 /1 مش 2/صفر بقدرة قادر
احد الجماهير : يا عم انت نايم على ودانك ولا ايه ؟؟
المعلق : احم عموما نرجع للماتش تانى وخلاص
(ربنا يعدى الليلة على الخير)
والكورة خطرة فى نص الملعب خطرة خطرة خطرة ف نص الملعب
( ازاى خطرة فى نص الملعب؟ )
ياخد الكورة معتز فينو يباصيها بالعرض لحاتم امام يا سلام يا حاتم يا ابنى ايه الحلاوة دى
الكورة ف رجله زى المهلبية يا سلام يا بنى وانت 28 سنة 176 سم مواليد برج العظماء
ايه دة ايه الجمال دة يعملها بينية حلووووووووووووة عند العندليب الاصفر قصدى الاخضر
هو والجون هو والجون هو و الجون يا سلام يا حُلُم ع الجمال وهبااااااااااااااااااااااااااااااااااااااااااااه
تطلع برة ضربة مرمى يا جكاعة بغرابة شديدة(خلاص اللعيب دة جاب اخره معايا)
يضيع فرصة عمره يا جماعة
مشمعقوووووووووولشسثبء:::::::::::::::::::::::::::::::
فز:::::: عهع:::::::::::::
[size=16]:::::::::::::::::::::::::::::::::جو:::::::::::::::
::ضصثضصث:::::::::::::::::::شششششششششششششششششش
احم احم نعتذر عن هذا التخلف العقليـ..آآ العطل الفنى ونعود للمباراة مرة تانية
احنا دلوقتى بنلعب فى الدقيقة 70 يا جماعة ونستنتج من كدة ان باقى 20 دقيقة على نهاية المباراة
وطبعا ما زالت النتيجة تقدم السهلى بهدفين لهدف للكوارك
هجمة كواركية سريعة كدة من نحية سامر عبد الحميد و هبااااااااااااااااااااااااااه
يا خّبر ابيااااااااااااااااااااض جوة الجووووووووووون يحطها حلوة اوى سامر عبد الحميد
مش ممكن يا جماعة سابوه فجاب جون سابوه جاب جون بالظبط زى ما بقوللكم كدة يا جماعةاه ده احنا نسينا نقول انه 29 سنة 177 سم ومواليد برج العظماء كالمعتاداحم[بس جون جامد اوى يا سلام يا سامر لعيب يا بنى والله ايه الحلاوة دى يا بنى ايه الحلاوة دى
داخلين على الدقيقة 85 وانا شايف اللعب بيقف عشان الحارس عصام الارضى مصاب يا جماعة
وطبعا احنا عارفين القوانين كويس اوى- فعشان كدة مش هاقوللكم- ان لو الحارس مصاب الماتش بيقف
لو اى لعيب تانى مصاب بيطلع برة يتعالج والماتش بيشتغل عادى
(احنا فاضيين يا عم ؟؟)
عموما دى فرصتنا فى التوقف عشان احكى لكم قصة وائل الحبهانى اللى انا قلت لكم عليها
الحكاية باختصار هى ان اللاعب دة كان بيحايظهر ان الماتش هيشتغل يا جماعة
يلا ملكمش نصيب تسمعوا الحكاية عموما نكملها ف اقرب توقف بس ابقوا فكرونى
عموما النتيجة 2/2 دلوقتى واحنا داخلين على اخر 5 دقايق من الماتش والمباراة على خازوق ساخن جدا
انا شايف عماد مجهد داخل بالكورة على حدود ال 18 وعايز يرأس ويعدى وشنكلة جامدة وانا شايف الحكم داخل
بيجرى ع المنطقة ويحسب ضربة جزاءيا خّبر ابيااااااااااااااااااااااااض ضربة جزاءوانا شايف اللعيبة رايحة تتخانق وتقول مش ضربة جزاء والحكم منفض لهم وبيطلع انذار لوائل الحبهانى
مش عارف اللعيب دة ماله النهار دة كل المصايب بتيجى من تحت راسه يا جماعة
عموما الحكم فرض رأيه وهيتم تنفيذ ضربة الجزاء وانا شايف محمد حركات جاى عشان يشوط الكورة
ويا ترى هيجيبها ويفوز السهلى ولا هتضيع والماتش يفضل تعادل؟؟؟؟؟؟[
طبعا مفيش غير 3 دقايق باقيين على نهاية الماتش
حركات حركات حركات حركات وهبااااااااااااااااااااااااااااااااااااااااه ضربة مرمى مش ممكن يا جماعة
شاطها وحشة اوى اخيييييييييييييييه احم كان ممكن يشوطها احسن من كدة يا جماعة
وحشة اوى منك يا حركوتة
عموما كدة النتيجة 2/2 لسه والماتش قرب يخلص وكدة الفرقتين هيطلعوا حبايب
وانا شايف الجماهير السهلوية بتشتم
بتشتم حركات عشان ضيع الجون طبعا عندهم حق
(لعيب مغفل لازم يتشتم)
وشايف جماهير الكوارك عمالة تشتم جماهير السهلى طبعا عندهم حق بيشتموا من الفرحة
طبعا ماتش جميل وممتع استمتعنا بيه كلنا ونشكر السيد الرئيس على الاهتمام بالكورة
ونوجه الشكر لكل المسئولين والمهتمين وشكر للجنة المسابقات والشركات الراعية
وانا شايف الحكم بيبص فى ساعته
(اخيرا هاخلص من وجع الدماغ دة)
ويزمر الحكم الدولى الكابتن ظالم بنهاية المباراة
وينتهى هذا الحفل الكروى بالتعادل 2/2
وشكرا لكم سيداتى انساتى سادتى على متابعتكم واتمنى ان اراكم مرة اخرى على خير
(كلمتين لغة عربية فصحى ع الماشى)
كان معكم الكابتن مدحت حلبى والمخرج محمد نصر التين
والى استاد الفيل للتحليل
الكابتن صاروخ (هو لسه هنا؟) : طبعا شوفنا مِستوِى عالى اوى ف الشوط التانى ونتمنى نشوف نفس المِستوِى فالماتشات اللى جاية لان اهم حاجة هى المِستوِى (الراجل بيتكلم صح ) و
مقدم برنامج استاد الفيل : احم ونشكر الكابتن صاروخ والسلام عليكم ورحمة الله
وبذلك انتهت المهزلة الكروية والتعليقية مؤقتاً حتى إشعار اخر
او لربما استمرت هذه المهزلة الى الابد
واعتقد ان هذه القصة او الحدوتة لا تعبر عن كل ما يحدث ولكنها كفيلة بالتوضيح
!!!كان معكم ... فاعل خير
وربنا يستركم محدش يبلغ عنى
وارجو الا اكون قد اطلت عليكم
خلص الكلام
سلام
" فيه وعليه " 
